« Je me plonge 
Mwen eme w
7 juin, 2011 @ 2:32 Non classé

Madanm mwen, fanm dous mwen,

Konnen byen mwen pa anvi renmen okenn lot fanm tankou ou. Epitou, kisa m tap jwenn ki pou ta pi bon nan yon lot fanm? Ou se yon fanm total, ki konn gou bouch ou. Ou se yon kreyati Bondye te pran san l pou l kreye tankou tout lot yo, men m anvi di li te pase plis tan nan ou pou te ka fanm ou ye jodi a.

Defo yo ak kalite w yo fe ou se sila ke tout gason ta reve genyen, fanm yo ta renmen moun rele madanm yo, fanm dous yo. Jan w gade fè m plezi, li fè m toujou panse ak yon lannwit ke yon bel lalin klere. Yon jounen ke yon bèl solèy ap domine.
Poukisa se konsa Bondye fè w? Li ba w tout kalite moun swete jwenn nan zanmi yo, madanm yo, pitit yo (nan yon fanm). M panse avè w m san m mache, lè w prè m menm m pèdi kontwòl tèt mwen. Epi tou se nòmal pou ou domine lespri m. Ou menm avèm se yon sèl. Ou se mwatye m mwen se mwatye.


Bondye ou bon vre. Si ou ka kreye fanm sa e mete l bo kote m, hmmm….

Lot gason yo mèt sote ponpe tankou chwal nan savann, yo mèt pouse kòn tankou toro bèf, yo mèt gwonde tankou lyon, yo pap 6 (lol). Bondye ban mwen w, li ban mwen ou net. Ou se pa m mwen se pa w. Mwen pa domi reve we w nan bra pesonn lot gason. Mwen konnen yo jalou, men se Bondye ki te vle l konsa (se pa mwen menm ki pou ta chanje sa).

Ou se repa m vle manje maten midi aswè.
Ou se meni konplè mwen vle pran chak jou(an fransè: Entrée, plat dessert)
Ou se kremas m vle siwote
Gato m vle fè lasisin pou w pa janm fini.

Kite m se men ki mete e retire rad sou ou depi sou vètman jiska sa ki kouvri tout kò w.
Kite m se savon ki pwòpte w, dlo kap mouye, lave w e rense w. Sèvyèt ki siye w.
Kite m se men kap pase sou ou lè wap benyen (ou konprann sa m vle di a: benyen tout pati nan kò w)
Kite m se … ou mete (hmm), soutyen ki kouvri tete doubout ou yo, linèt ou pote nan je w.

Si m te ka miwa ou konn itilize pou gade ou, m tap vòlò imaj ou.
M tap egoyis. M pa tap kite pèsòn vin kontanple bote pa yo nan mwen.
Si m te ka dlo potab, m tap drive nan tout vè ak gode pou ka bwè m.
Si m te ka chiko, m tap nan boutik tou machann, nan tout kalite sachè, m tap sa ki pi gou a.

Mwen renmen w. Bondye mete n ansanm pou lavi e lanmo. M pa konn kisa ki gen dèyè lanmo antouka m konn kisa mwen viv avè w nan lavi sa. Bondye ap ban nou kouraj pou nou kenbe fidelite nou. Mwen menm, ou menm, Li menm se twa (3) très ki fome kod ki mare nou.

Je t’aime beaucoup mon amour.

 

084656.jpg
 

-lagjosh
rss pas de réponses

Laisser un commentaire

laminedemaeline |
bébé Riadh |
Mon hamster |
Unblog.fr | Annuaire | Signaler un abus | le blog de Sandrine
| Les histoires à philosopher...
| FAMILLE COLOMBET DE CARQUEI...